/ Ufitziu

Sa Lege 15 de nadale 1999, n. 482, Normas in matèria de tutela de sas minorias linguìsticas istòricas, ponende in atu sos printzìpios e sos valores de s’artìculu 6 de sa Costitutzione, impignat sa Repùblica Italiana e totu sos òrganos suos a amparare sas limbas e sas culturas de sas populatziones cunsideradas “minorias linguìsticas”, intre de custas ddu est sa sarda. Sa limba sarda est istrumentu de comunicatzione de importu mannu e patrimòniu de onni comune de sa Sardigna, chi depet èssere impreadu in sas atividades de sas amministratziones e de sas istitutziones, in iscola, in sos mèdia, in giornales, ràdio e televisione.

Pro custa resone, in su 2004, sa Provìntzia de Aristanis at istituidu s’Ufìtziu de sa Limba e de sa Cultura Sarda.

Sos obietivos de s’Ufìtziu sunt de fàghere intrare sa limba sarda in onni cuntestu de sa vida pùblica e privada de sa Provìntzia:

  • promovende su blinguìsmu in s’Amministratzione Pùblica,
  • cuncordende progetos pro s’atuatzione de su bilinguìsmu in sos entes locales e in iscola,
  • formende e informende sos tzitadinos subra su bilinguìsmu e sa limba sarda,
  • faghende intrare su sardu in sos mèdios de comunicatzione,
  • coordinende totu sas atividades chi pertocant sa limba e sa cultura sarda in su territòriu de sa Provìntzia collaborende cun totu sas istitutziones de Sardigna, sa Regione sarda e sas àteras Provìntzias.

Presidèntzia de su
Consigiu de sos Ministros

Regione Autònoma
de sa Sardigna

Provìntzia de Aristanis
Assessoradu a sa Cultura

Ufìtziu de sa Limba e
de sa Cultura Sarda