/ Dischente

DISCHENTE, su primu cursu e-learning de limba sarda.

Si podet intrare dae inoghe e provare una letzione impreende

Nome utente: guest
Password: 123456

ITE EST DISCHENTE.OR.IT?

Dischente.or.it est su primu cursu e-learning progetadu pro imparare su sardu. Su sistema e-learning est una novidade manna in su mundu de sa formatzione, ca permitit a totus fàghere su cursu in cale si siat logu, in ufìtziu, in domo, sena oràriu e sena pagare, bastat una connessione internet. Su cursu est aprontadu prus che totu pro sos dipendentes pùblicos, ca s’obietivu prus de importu de sa lege 482 de su 1999 est de formare chie traballat in s’amministratzione pùblica, ma est abertu a chie si siat siat interessadu. Sa piataforma LMS (Learning Management Sistem) permitit a prus de 500 persones dae totu su mundu de fàghere su cursu in su matessi tempus.

Dischente.or.it est divididu in tres partes: mòdulu base, mòdulu mèdiu e mòdulu avantzadu.

ISTRUTZIONES PRO FÀGHERE SU CURSU

A si iscrìere a su mòdulu formativu dischente.or.it est fàtzile meda, bastat a sighire sas istrutziones in su situ.

Pro si registrare:

  1. Intrende in Registrati si lompet a una pàgina in ue ddu est s’entry-form de registratzione chi est de cumpilare in onni parte. Sa password depet tènnere a su nessi 5 lìteras o caràteres (podent èssere fintzas nùmeros). Prima de mandare su form tocat fintzas a atzetare sas règulas de sa privacy sinnende cun unu flag su cuadradu in ue est iscritu “Accetto i termini della privacy policy”.
  2. Sos tutores ant a valutare sa domanda de iscritzione. Si sa domanda podet èssere atzetada at a arribare – a s’indiritzu de posta eletrònica inditadu in su form – s’avisu de registratzione cun sa password provisòria chi podet èssere impreada pro intrare in su cursu.

Pro intrare in su cursu:

  1. Dae sa “domo” (home page), ponende userid e password, si podet intrare in sa prima pàgina de su cursu e-learning.
  2. In sa prima pàgina si podet:
    • cambiare sa password,
    • personalizare su profilu personale,
    • controllare totu sos cursos e sos esertzìtzios,
    • intrare in su mòdulu de su cursu,
    • seberare sos cursos ativos e intrare in sa pàgina de sas letziones (learning object).

A s’acabbu de su cursu, onni dischente podet fàghere s’esàmene e leare un’atestadu. S’Ufìtziu de sa Limba e de sa Cultura Sarda organizat, avisende sos dischentes, s’esàmene pro onni mòdulu de su cursu (base, intermèdiu e avantzadu).


CROS

Su Curretore Regionale Ortogràficu Sardu (CROS) est un’istrumentu multi-modale e multi-piataforma fatu pro favorèssere s’iscritura de sos testos in limba sarda cun s’impreu de mèdios informàticos. Su CROS est istadu fatu pro èssere impreadu in s’Amministratzione pùblica regionale e locale, prus che totu pro sos isportellos linguìsticos.

Su programma est basadu subra sas normas de riferimentu a caràtere isperimentale pro sa limba iscrita in essida dae s’Amministratzione regionale adotadas cun D.G.R. n.16/14 de su 18 abrile 2006 e, in una versione prus manna, a sas àteras variedades de sa limba sarda. Cunsiderende s’importàntzia e s’interessu dae parte de sos operadore e de àteros, su CROS – in sos sitos istitutzionales de sa Regione Autònoma de sa Sardigna e badas (gratis) – est istadu postu a disponimentu de totu sos chi ddu cherent impreare.

Link a Cros


PADENTE DE SA LIMBA SARDA

Su Padente de sa limba sunt esertzìtzios interativos chi permitint, cun sa forma de su giogu, de si acurtziare a su sardu. Podet èssere una prima ocasione ispassiosa pro incomintzare a connòschere su lèssicu prus sèmplitze e s’iscritura giusta, unu modu pro leare cunfiantza cun sa limba sa sarda, pro dda sighire a impreare.

S’aplicatzione, progetada cun tecnologias Flash, est fata a manera de èssere fàtzile de impreare.

In su Padente de sa limba si podent agatare nùmeros, nùmenes de animales, ortalìtzia, frùtora, colores, chi sunt elementos impreados a s’incumintzu pro imparare cale si siat limba.

Padente de sa limba sarda


IMPARA SU SARDU

Pro cumprèndere cantu si connoschet sa limba sarda e pro provare a dda iscrìere, in custa setzione bi sunt a disponimentu ischedas de esertzìtzios pro imparare sas règulas de sa limba sarda iscrita.

Sos esertzìtzios sunt fàtziles e agiuant a cumprèndere mègius sas règulas ortogràficas de fundamentu: s’atzentu, s’impreu de su “tz”, s’apòstrofu, sa negatzione, s’impreu de sa lìtera “h”, àteras.
A connòschere sas règulas de una limba est de importu pro l’impreare mègius, ca a la faeddare est unu contu ma a l’iscrìere est un’àteru.

Impara su Sardu

Presidèntzia de su
Consigiu de sos Ministros

Regione Autònoma
de sa Sardigna

Provìntzia de Aristanis
Assessoradu a sa Cultura

Ufìtziu de sa Limba e
de sa Cultura Sarda